Бобоев Эмомалӣ- хонандаи синфи 11 ғолиби Олимпиадаи ҷумҳуриявии мактаббачагон аз фанни Математика(16.04.2017), Маҳмадуллоев Муҳаммадҷон-хонандаи синфи 9 «а» сазовори ҷойи якум дар Форуми V мактаббачагон оид ба технология, инноватсия ва ихтироъкории наврасону ҷавонони шаҳри Душанбе бахшида ба «Соли ҷавонон»( 20.05.2017) ,Бобоев Эмомалӣ- хонандаи синфи 11 ғолиби Олимпиадаи байналмилали аз фанни Математика (24.06.2017),Вохидов Бахром- хонандаи синфи 11 ғолиби Олимпиадаи байналмилали аз фанни Математика (24.06.2017),

Боиси хурсандӣ аст, ки дар Донишгоҳи давлатии тиҷорати Тоҷикистон ба шарофати соҳибистиқлолии кишвар сафи олимони дараҷаи илмӣ дошта рӯ ба афзоиш аст. Кадрҳои илмии ояндадору донишманди ин боргоҳи илму маърифат дар мавзӯъҳои гуногуни илмӣ рисолаҳои номзадии худро бомуваффақият ҳимоя менамоянд.

Аз ҷумла, 3-юми сентябри соли 2022 омӯзгори калони кафедраи менеҷмент Мумтоз Назирӣ дар Шӯрои муштараки диссертатсионии КОА 999.031.03-и назди Донишгоҳи миллии Тоҷикистон, Донишгоҳи Славянии Руссияву-Тоҷикистон, Донишгоҳи давлатии тиҷорати Тоҷикистон дар мавзӯи “СОВЕРШЕНСТВОВАНИЕ МЕХАНИЗМА ОБЕСПЕЧЕНИЯ УЧРЕДЖДЕНИЙ ВЫСШЕГО ПРОФЕССИОНАЛЬНОГО ОБРАЗОВАНИЯ КАДРОВЫМ ПОТЕНЦИАЛОМ НА РЫНКЕ ОБРАЗОВАТЕЛЬНЫХ УСЛУГ» (на материалах Республики Таджикистан) бомуваффақият рисолаи номзадиро ҳимоя намуд.

Маъмурият, ҳайати омӯзгорону кормандон ва хонандагони литсейи Донишгоҳи давлатии тиҷорати Тоҷикистон Мумтоз Назировнаро бо ин дастоварди илмӣ самимона шодбош гуфта, ба ӯ дар идомаи фаъолияти илмӣ ва омӯзгорӣ барору комёбӣ орзу менамоянд.

Санаи 01.09.2022 бахшида ба Рӯзи дониш дар литсейи Донишгоҳи давлатии тиҷорати Тоҷикистон занги аввал садо дод. Беш аз 70 нафар кӯдакон бори аввал ба литсей қадам гузоштанд.

         Имсол низ дар ин рӯз чун анъана дар литсей ҷамълмади идона баргузор гардид. Омӯзгорон ва хонандагони литсей рӯзи нахустини соли нави донишро ба Дарси сулҳ оғоз намуданд.

Барои ҳар як шахси бо пешаи омӯзгорӣ сару кор гирифта маълум аст, ки беҳтар намудани сифати таълиму тарбия дар муассисаҳои таълимӣ аз дуруст ба роҳ мондани чанд масъалаи асосии таълимиву тарбиявӣ, амсоли таъмини кадрҳои баландихтисос, мустаҳкам намудани базаи моддӣ-техникӣ, таъмини воситаҳои техникии муосир, кашфи лаёқати хонандагон ва омода намудани хонандагони болаёқат, навовар ва ихтироъкор, гузаронидани дарсҳо бо истифода аз усулҳои фаъоли таълим ва техникаи муосир вобастагӣ дорад. Маҳз ҳамин рукнҳо ва талаботҳоро садорати литсейи донишгоҳи тиҷорат ва ҳайати омӯзгорони он ба ҳайси маҳаки асосии касби хеш дар таълими насли наврас қарор доданд ва дар муқоиса бо муассисаҳои дигари ҳамҷаворашон дар самти таълим ва тарбияи дуруст муваффақ низ гардиданд. Вале ҷои зикр аст, ки ин муваффақият барои литсей яку якбора муяссар нагардида, он маҳсули заҳмати шабонарӯзӣ ва масрафи нерӯи ақлониву ҷисмонии тамоми омӯзгорони ин боргоҳи тарбияту таълим буд. 

         Дар литсейи Донишгоҳи давлатии тиҷорати Тоҷикистон баҳри сазовор пешвоз гирифтани 31 – умин солгарди Истиқлолияти Ҷумҳурии Тоҷикистон ва соли нави таҳсил дар ҳама самт омодагишҳо рафта истодааст. Синфхонаҳо ва роҳравҳои литсей аз таъмир бароварда шуда, омӯзгорон ва кормандони литсей ҳамарӯза барои тозаю озода намудани гирду атрофи литсей заҳмат кашида, кӯшиш бар он доранд, ки насли ҷавон, хусусан, кӯдакони наврасро, ки қадами нахустини худро ба боргоҳи донишу ҳикмат мегузоранд, то ояндаи худро бо заковату маърифат, ҳушмандии том бишносанду бисозанд бо руҳи болида истиқбол намоянд.

Бо мақсади баланд бардоштани завқи китобхонӣ, тақвияти нерӯи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ, тақвияти ҷаҳони маънавӣ миёни аҳолии кишвар, аз он ҷумла хонандагони муассисаҳои таҳсилоти миёнаи умумӣ рӯзҳои 30, 31 – уми май дар Муассисаи таҳсилоти миёнаи умумии № 28 – и ноҳияи Фирдавсӣ даври дуюми озмуни ҷумҳуриявии “Фурӯғи субҳи доноӣ китоб аст” баргузор гардид, ки хонандагони Литсейи Донишгоҳи давлатии тиҷорати Тоҷикистон низ аз рӯйи номинатсияи адабиёти бачагона ва адабиёти ҷаҳон иштирок намуданд.