Ахборот ЛДДТТ
Дар литсейи Донишгоҳи давлатии тиҷорати Тоҷикистон баҳри сазовор пешвоз гирифтани 31 – умин солгарди Истиқлолияти Ҷумҳурии Тоҷикистон ва соли нави таҳсил дар ҳама самт омодагишҳо рафта истодааст. Синфхонаҳо ва роҳравҳои литсей аз таъмир бароварда шуда, омӯзгорон ва кормандони литсей ҳамарӯза барои тозаю озода намудани гирду атрофи литсей заҳмат кашида, кӯшиш бар он доранд, ки насли ҷавон, хусусан, кӯдакони наврасро, ки қадами нахустини худро ба боргоҳи донишу ҳикмат мегузоранд, то ояндаи худро бо заковату маърифат, ҳушмандии том бишносанду бисозанд бо руҳи болида истиқбол намоянд.
Барои ҳар як шахси бо пешаи омӯзгорӣ сару кор гирифта маълум аст, ки беҳтар намудани сифати таълиму тарбия дар муассисаҳои таълимӣ аз дуруст ба роҳ мондани чанд масъалаи асосии таълимиву тарбиявӣ, амсоли таъмини кадрҳои баландихтисос, мустаҳкам намудани базаи моддӣ-техникӣ, таъмини воситаҳои техникии муосир, кашфи лаёқати хонандагон ва омода намудани хонандагони болаёқат, навовар ва ихтироъкор, гузаронидани дарсҳо бо истифода аз усулҳои фаъоли таълим ва техникаи муосир вобастагӣ дорад. Маҳз ҳамин рукнҳо ва талаботҳоро садорати литсейи донишгоҳи тиҷорат ва ҳайати омӯзгорони он ба ҳайси маҳаки асосии касби хеш дар таълими насли наврас қарор доданд ва дар муқоиса бо муассисаҳои дигари ҳамҷаворашон дар самти таълим ва тарбияи дуруст муваффақ низ гардиданд. Вале ҷои зикр аст, ки ин муваффақият барои литсей яку якбора муяссар нагардида, он маҳсули заҳмати шабонарӯзӣ ва масрафи нерӯи ақлониву ҷисмонии тамоми омӯзгорони ин боргоҳи тарбияту таълим буд.
Таҷлили Рӯзи кӯдакон дар Литсейи Донишгоҳи давлатии тиҷорати Тоҷикистон. Иди кӯдакон муборак!
Мо кӯдакони ин замон, фахр дорем аз он,
Ки хушбахти давронем , ояндасози Тоҷикистонем.
Мамлакатамон шавад обод, мардумаш бошад хурраму шод.
Табрик намоем ҳамагон, бо иди хуши кӯдакон.
Ҳувайдо бошад сулҳу амонӣ, осмони софу некномӣ.
Ҳамеша ояд аз ҳар як хона, хандаи ширини кӯдакона.
«Меваи ширин аст фарзанд», бузургон гуфтаанд ин панд.
Бо мақсади баланд бардоштани завқи китобхонӣ, тақвияти нерӯи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ, инкишофи қобилияти эҷодӣ, таҳкими эҳсоси худогоҳию худшиносӣ, такмили захираи луғавӣ, тақвияти ҷаҳони маънавӣ миёни аҳолии кишвар, аз он ҷумла хонандагони муассисаҳои таҳсилоти миёнаи умумӣ рӯзҳои 30, 31 – уми май дар Муассисаи таҳсилоти миёнаи умумии № 28 – и ноҳияи Фирдавсӣ даври дуюми озмуни ҷумҳуриявии “Фурӯғи субҳи доноӣ китоб аст” баргузор гардид, ки хонандагони Литсейи Донишгоҳи давлатии тиҷорати Тоҷикистон низ аз рӯйи номинатсияи адабиёти бачагона ва адабиёти ҷаҳон иштирок намуданд.
«Мо бо ҷавонони созандаи худ ифтихор мекунем, чунки ҷавонони даврони соҳибистиқлолии Ватанамон имрӯз бо нангу номуси миллӣ, ташаббусҳои шоиста ва эҳсоси баланди ватандорӣ дар рушди Тоҷикистони азиз ҳиссаи арзишманд мегузоранд ва ба Модар-Ватани худ содиқона хизмат мекунанд»
Эмомалӣ Раҳмон
Дар пайравӣ ба гуфтаҳои Президенти кишвар санаи 30.05.2022 дар литсейи Донишгоҳи давлатии тиҷорати Тоҷикистон роҳбари ҷавон ва навтаъини муассисаи номбурда бо хонандагони фаъоли литсей ҳамсуҳбат гардиданд. Дар ин вохӯрӣ гирандагони Стипендияи Президенти Ҷумҳурии Тоҷикистон, Стипендияи Раиси шаҳри Душанбе, ғолибони олимпиадаи фаннии хонандагон, иштирокчиёни озмунҳои «Илм-фурӯғи маърифат», «Фурӯғи субҳи доноӣ китоб аст» ва хатмкунандагони литсей ширкат доштанд.
