Бобоев Эмомалӣ- хонандаи синфи 11 ғолиби Олимпиадаи ҷумҳуриявии мактаббачагон аз фанни Математика(16.04.2017), Маҳмадуллоев Муҳаммадҷон-хонандаи синфи 9 «а» сазовори ҷойи якум дар Форуми V мактаббачагон оид ба технология, инноватсия ва ихтироъкории наврасону ҷавонони шаҳри Душанбе бахшида ба «Соли ҷавонон»( 20.05.2017) ,Бобоев Эмомалӣ- хонандаи синфи 11 ғолиби Олимпиадаи байналмилали аз фанни Математика (24.06.2017),Вохидов Бахром- хонандаи синфи 11 ғолиби Олимпиадаи байналмилали аз фанни Математика (24.06.2017),

Дар асоси нақша-чорабиниҳои иттиҳодияи методии фанҳои табиӣ - математикӣ ва литсейи  ДДТТ барои соли таҳсили 2020-2021   бахшида ба «Бистсолаи омӯзиш  ва рушди  фанҳои табиатшиносӣ, дақиқ ва риёзӣ дар соҳаи илму маориф»  аз 05.04 то14.04.2021   даҳаи  фанҳои  астрономӣ-физикӣ    гузаронида шуда истодааст, мутасаддии он омӯзгори фанни физика ва астрономия Сабзалиева Гулшод Ёралиевна мебошад. Дар рафти баргузории даҳаи фаннӣ  озмунҳои гуногун, аз қабили «Тасвири расмҳо дар рӯйи замин (асфалт)»  дар мавзӯи «Мо ва кайҳон» дар байни синфҳои  1-6 рӯзи 8.04.2021  дар саҳни литсей   ва  озмуни дигар  «Расмҳои беҳтарин»  дар мавзӯи  «Кайҳон аз назари кӯдакон»   рӯзи 5.04.2021  дар байни хонандагони  синфҳои 1-4  гузаронида  шуда, натиҷаи он аз тарафи ҳайати  ҳакамон  ҷамъбаст  карда  шуд.

Дар санаи 6 – уми апрели соли 2021 дар литсей ҷиҳати омодагӣ ба Олимпиадаҳои фаннии мактаббачагон барои соли таҳсили 2021 – 2022 ва дарёфти хонандагони боистеъдод бо ташаббуси аъзоёни иттиҳодияи фанҳои табиӣ – математикӣ даври интихобии олимпиада аз фанни математика дар байни хонандагони синфҳои 5 – 10 гузаронида шуд. Дар даври интихобӣ 34 нафар хонандагони синфҳои 5 – 10, ки ба фанни математика шаақу рағбати зиёд доштанд, иштирок намуданд.

Имсол  Наврӯзи байналмилалии литсей дар якҷоягӣ бо Донишгоҳи давлатии тиҷорати Тоҷикистон санаи 19-уми марти соли 2021 гузаронида шуд.

Ҷамъомади тантанавӣ нахуст бо сухани муқаддимавии ректори донишгоҳ Қурбонзода Маҳмадалӣ Раҳмат оғоз гардид.  

Сипас, барномаи фарҳангии чорабинӣ пешкаши омӯзгорону муҳассилин гардонида шуд.  Композитзияи баҳорӣ, ки дар он хонандагони  литсей бо  либосҳои  миллии чакану адрас иштироки фаъол доштанд, ба ҳусни маърака зобоии тозае бахшид.

Дар идомаи ҷамъомад як гурӯҳ омӯзгорону кормандони фаъол   бо мукофотҳо ҳавасманд гардонида шуданд. Аз ҷумла, барои хизматҳои бисёрсолаи бенуқсон дар соҳаи маориф, саҳми арзанда дар тарбияи насли наврас, тайёр намудани кадрҳои баландихтисосу иштироки фаъолона дар ҳаёти ҷамъиятӣ бахшида ба Иди байналмилалии Наврӯз Пулотов Шараф-омӯзгори фанни таърихи литсей бо нишони   Аълочии маориф ва илми Ҷумҳурии Тоҷикистон ва Султонова Орзу-омӯзгори фанни забони англисӣ, Абдураҳимова Ҳанифа, Бердибекова  Оиша-омӯзгорони синфҳои ибтидоӣ бо Ифтихорномаи Вазорати маориф ва илми Ҷумҳурии Тоҷикистон сарфароз гардонида шуданд.

Рӯзҳои 3-юм ва 4-уми апрели соли 2021 дар муассисаи таълимии давлатии «Мактаби байналмилалии Президентӣ  » дар шаҳри Душанбе даври ҷумҳуриявии  олимпиадаҳои фаннӣ багузор гардид.

Дар олимпиадаи мазкур 579 нафар хонанда аз 318 муассисаи таълимии  61 шаҳру ноҳияи ҷумҳурӣ ширкат варзиданд.

Хушбахтона 2 нафар хонандаи синфи 11-и Литсейи Донишгоҳи давлатии тиҷорати Тоҷикистон дар ин олимпиада иштирок намуда, сазовори ҷойҳои ифтихорӣ гардиданд.

Шарипова Таманно – фанни забон ва адабиёти тоҷик – ҷойи дуюм, медали нуқра.

Раҳмонов Хушнуд – фанни забони давлатӣ – ҷойи 3-юм, медали биринҷӣ.

Ин ғолибиятро ба аҳли коллективи омӯзгорони литсей ва хусусан ба омӯзгор Қаюмова Зумратбӣ Набиевна, ки ин хонандагонро ба олимпиадаҳо омода намудааст, табрик менамоем.  Маъмурияти литсей ин дастовардро туҳфаи навбатӣ ба ҷашни 30-солагии Истиқлолияти давлатии Ҷумҳурии Тоҷикистон мешуморад.

           Санаи 13.03.2021 дар толори маҷлисгоҳ воқеъ дар бинои таълимии №2-и  донишгоҳ љињати татбиқи амалии Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд” ва Консепсияи миллии тарбия  маҷлиси умумилитсейии падару модарон гузаронида шуд.

Рӯзномаи  маҷлис аз  масъалаҳои зерин иборат буд:

·       Баррасии Фармоиши Вазири маориф ва илми Ҷумҳурии Тоҷикистон аз 19.02.20021 оид ба анҷоми соли таҳсили 2020-2021, аттестатсияи аз синф ба синф  гузаронидан ва хатм дар муассисаҳои таҳсилоти умумии Ҷумҳурии Тоҷикистон ;

·       Татбиқи амалии Қонуни Ҷумҳурии Тоҷикистон  “Дар бораи масъулияти падару модар дар таълиму тарбияи фарзанд” дар литсей;

·       “Мақоми оила дар тарбияи фарзанд” - маърӯзаи роҳбари Созмони хонандагони литсей;

·       Масъалаҳои ҷорӣ.

Дар маҷлиси умумилитсейӣ 334 нафар  падару модарон иштирок карданд.