Бобоев Эмомалӣ- хонандаи синфи 11 ғолиби Олимпиадаи ҷумҳуриявии мактаббачагон аз фанни Математика(16.04.2017), Маҳмадуллоев Муҳаммадҷон-хонандаи синфи 9 «а» сазовори ҷойи якум дар Форуми V мактаббачагон оид ба технология, инноватсия ва ихтироъкории наврасону ҷавонони шаҳри Душанбе бахшида ба «Соли ҷавонон»( 20.05.2017) ,Бобоев Эмомалӣ- хонандаи синфи 11 ғолиби Олимпиадаи байналмилали аз фанни Математика (24.06.2017),Вохидов Бахром- хонандаи синфи 11 ғолиби Олимпиадаи байналмилали аз фанни Математика (24.06.2017),

Дар асоси Нақша-чорабиниҳои литсей оид ба эълон  гардидани  солҳои 2020-2040  « Бистсоли омӯзиш ва рушди  фанҳои табиатшиносӣ, дақиқ ва риёзӣ дар соҳаи илму маориф» ва баланд бардоштани сифати таҳсилот дар нимсолаи дуюми соли таҳсили 2020-2021,  Олимпиадаи байналмиллалии фосилавӣ  аз фанни физика аз 12.02.2021 то 21.02.2021 гузаронида шуда  истодааст. Дар олимпиадаи мазкур  40 нафар  хонандагон  аз синфи 7-11 фаъолона  иштирок карда истодаанд.  Олимпиадаи фосилавӣ таҳти роҳбарии  омӯзгор Сабзалиева Г.Ё аз иттиҳодияи методии фанҳои табиӣ—риёзӣ гузаронида шуда истодааст.

Дар арсаи байналмилалӣ ҳар як халқу миллатро аз рӯйи фарҳанг ва тамаддуни бузургаш мешиносанду қадр менамоянд. Бисёре аз бузургон дар саҳифаҳои таърих мавқеъ гирифтаанд. Яке аз онҳо Абулқосим Фирдавсӣ мебошад, ки бо асари безаволи худ “Шоҳнома” машҳури олам гардидааст. “Шоҳнома”, ки асари безаволи Фирдавсӣ ба ҳисоб меравад, имрӯзҳо ҳаводорони зиёдеро дорад. Ҳукумати кишвар ба хотири пос доштани фарҳанг ва таърихи гузашта миёни мардум озмуни “Шоҳнома” – хониро ба роҳ мондааст, ки ҳамасола дар сатҳи ҷумҳуриявӣ таҷлил карда мешавад.

Дар таърихи рӯзи 16.02.2021 дар литсей озмуни “Шоҳномахонӣ” миёни хонандагони синфҳои 4 то 10 баргузор гардид. Озмун бевосита аз ҷониби иттиҳодияи фанҳои ҷамъиятӣ гуманитарӣ ба нақша гирифта, гузаронида шуд. Дар маҷмӯъ 17 хонанда дар озмун иштирок карда, порчаҳои “Шоҳнома” – ро аз достонҳои гуногуни он қироат карданд.

Дар литсейи Донишгоҳи давлатии тиҷорати Тоҷикистон тибқи нақша – чорабиниҳо оид ба баланд бардоштани сифати таҳсилот ва  бахшида  ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи маориф» рӯзи 3.02.2021 даври дуюми олимпиадаи дохилитсейӣ аз фанни табиатшиносӣ дар байни хонандагони синфҳои 2 – 4 гузаронида шуд. Дар олимпиада 38 нафар хонандагони синфҳои 2 – 4  иштирок намуданд. Аз ин шумора 21 нафар соҳиби ҷойҳои ифтихорӣ гардиданд.

Аз санаи 08.02.2021 то санаи 13.02.2021 озмӯни Математики беҳтарин” бахшида ба “Бистсолаи омӯзиш ва рушди фанҳои табиатшиносӣ дақиқ ва риёзӣ дар соҳаи илму маориф” гузаронида шуд, ки дар ин озмун 45 нафар хонандагон аз синфҳои 5-10 иштирок намуда, аз ин шумора 15 нафар ғолибиятро ба даст овардаан. Ғолибон аз тарафи директори литсей бо ифтихорнома ва тӯҳфаҳои хотиравӣ қадрдонӣ карда шуданд.

Дар таърихи рӯзи 10.02.2021 дар синфхонаи математика миёни синфҳои аз 3 то 7 озмуни расми беҳтарин дар мавзӯи “Тоҷикистон ватани азизи ман” доир гардид. Хонандагон тавонистанд аксҳои зебоеро аз назари худ тасвир намуда пешкаш намоянд. Расмҳои беҳтарин ба телевизиони кӯдакону наврасон “Баҳористон” фиристода шуд.