Бобоев Эмомалӣ- хонандаи синфи 11 ғолиби Олимпиадаи ҷумҳуриявии мактаббачагон аз фанни Математика(16.04.2017), Маҳмадуллоев Муҳаммадҷон-хонандаи синфи 9 «а» сазовори ҷойи якум дар Форуми V мактаббачагон оид ба технология, инноватсия ва ихтироъкории наврасону ҷавонони шаҳри Душанбе бахшида ба «Соли ҷавонон»( 20.05.2017) ,Бобоев Эмомалӣ- хонандаи синфи 11 ғолиби Олимпиадаи байналмилали аз фанни Математика (24.06.2017),Вохидов Бахром- хонандаи синфи 11 ғолиби Олимпиадаи байналмилали аз фанни Математика (24.06.2017),

Мақомоти иҷроияи ҳокимияти давлатии шаҳри Душанбе бо мақсади дастгирӣ ва ҳавасманд намудани хонандагону донишҷӯёни фаъолу аълохон ва соҳибистеъдоди муассисаҳои таълимии таҳсилоти умумӣ, ибтидоӣ ва миёнаи касбии шаҳри Душанбе ҳамасола барои дарёфти стипендияи Раиси шаҳри Душанбе озмун эълон менамояд.

Дар соли таҳсили 2020 – 2021 озмуни номбурда дар сатҳи баланд гузаронида шуд, ки дар он хонандагони Литсейи ДДТТ низ иштирок доштанд. Боиси хушҳолист, ки аз миёни онҳо чаҳор нафар:

1. Иноятзода Умедҷон

2. Иноятзода Шаҳноза

3. Шамолова Нигора

4. Мамадризобеков Файёз

Тоҷикистон, сари ҳар санги ту бар ман Ватан аст,

Бари ҳар буттаи хори ту бароям чаман аст.

                                                                           Гулрухсор

Рӯз то рӯз саҳну гулгаштҳои Душанбешаҳр боз ҳам зеботару дилоротар мегардад. Маконҳои фарҳангию фароғатиаш ба инсон ҳаловати хоса мебахшад. Ин аст, ки ҳамасола “ҳафтаи Душанбешаҳр” таҷлил карда мешавад, ки симои Душанбешаҳрро ба куллӣ дигар мекунад.

Дар ин раванд литсейи ДДТТ бо як гурӯҳи хонандагони синфҳои болоӣ (9 - 11)  аз “Боғи марказии ботаникии Тоҷикистон - Боғи Ирам” дидан намуданд. Сайру гашт ва дидан намудан аз марказҳои дилфиреби Душанбешаҳр ба хонандагон таъсири мусбат расонида, дар руҳияи онҳо ҳисси зебоипарастиро бедор менамояд.

Ассалом, эй зи ҳама рӯйи ҷаҳон зеботар!

Ассалом, эй зи ҳама аҳли замон донотар!

Ин саломест, ки мо аз дилу ҷон овардем,

Туҳфа аз ҷон ба дили оламу одам кардем!

       Зери зам-замаи ин мисраъҳо дар синфи 5 «А» санаи 13.04.2021 аз тарафи омӯзгори фанни забон ва адабиёти тоҷики Раҷабова Ниёзбибӣ Тағоевна бахшида ба бузургдошти Асосгузори адабиёти муосири тоҷик, Қаҳрамони Тоҷикистон, Садриддин Айнӣ дарси кушоди намунавӣ таҳти унвони «Ҳаёт ва фаъолияти адабии Садриддин Айнӣ» гузаронида шуд. дарс аз рӯйи низоми таълими босалоҳият гузаронида шуда, хонандагон ба се гурӯҳ: «Соктаре», «Ғиждувон» ва «Бухоро» ҷудо карда шуда буданд. Намояндагони гурӯҳҳо паҳлӯҳои ҳаёт ва фаъолияти адабии устодро бо шоҳбайтҳо, порчаҳои насрӣ, чистону рубоиҳо муаррифӣ намуданд. Дар дарс инчунин аз фигураҳои геометрӣ пайдо намудани рубоии дар оғози асари «Ёддоштҳо» ҷойдошта истифода бурда шуд, ки диққати хонандагонро бештар ҷалб намуда дар охир ба ҳадафи гузоштаи омӯзгор расиданд, яъне ҷавоби дурустро аз дохили фигураҳо пайдо карда, ба кадом жанри адабӣ мансуб будани онро кушоданд.

Дар санаи 15.04.2021 бахшида ба 143-солагии Сардафтари адабиёти муосири тоҷик, Қаҳрамони Тоҷикистон Садриддин Саидмуродхоҷа Айнӣ бо иштироки хонандагони синфҳои 5-10 викторина таҳти унвони «Як умри ҷавонӣ ба чӣ раҳ бохтаам» баргузор гардид. Дар оғоз хонандагони синфи 7 саҳначаеро аз асари «Мактаби куҳна»-и устод пешкаш намуданд. Дар бораи паҳлуҳои ҳаёт ва рўзгори Айнӣ, фаъолияти шоирӣ ва нависандагии ў хонандагони синфҳои 6 ва 8 бо истифода аз презентатсия маълумотҳои дақиқу пурра пешниҳод намуданд. Дар қисмати ҷамъбастӣ мебоист хонандагон   муаллифи порчаҳои назмӣ  ва дар кадом асари устод Айнӣ истифода намудани онҳоро пайдо мекарданд. Дар ин қисмат хонандагони синфи 5 фаъолияти хуб нишон доданд.

Дар литсей бахшида ба “Рӯзи кайҳоннавардон” викторинаи таълимӣ – тарбиявӣ бо номи «Мо - ҳамқадами замон» гузаронида шуд. Дар он ду гурӯҳ хонандагони синфи сеюм иштирок намуданд. Хонандагони синфи 3 «А» бо номи «Кайҳон» ва хонандагони синфи 3 «Б» бо номи «Замин» байни якдигар сабқат намуданд. Викторина аз се бахш иборат буд: пурсишу посухҳо, баҳси озод дар мавзӯи «Мо ҳамқадами замон» оид ба «Сафари бозгашт ба Миррих» ва бозии «Зӯри зеҳн». Дар ин викторина хонандагони синфи 3 А бо бартарии 15 хол ғолиби викторина гардиданд.